Read More
കളിയുത്സവത്തിന്റെ ഉണ്ണിപ്പുരയ്ക്ക് ഗസല്സന്ധ്യയോടെ സമാപനം
നിലാവായ് പെയ്തിറങ്ങിയ തിരൂര് നിഷ അസീസിന്റെ ഗസല് സന്ധ്യയോടെ കുട്ടികളുടെ കളിയുത്സവത്തിന്റെ ഉണ്ണിപ്പുരയ്ക്ക് സമാപനമായി. വെന്മനാട് പുവയോരത്ത് മൂന്നുദിവസമായി നടന്ന ഉണ്ണിപ്പുര ഉണ്ണികള്ക്കും രക്ഷിതാക്കള്ക്കും ഒരുപോലെ തേനൂറും മധുര സ്മരണകളാണ് സമ്മാനിച്ചത്.
മൂന്നാംദിവസം നടന്ന ബലൂണ് പൊട്ടിക്കല്, പട്ടം പറത്തല്, മാങ്ങയേറ്, ചൂണ്ടയിട്ട് മീന്പിടിക്കല്, നിധികണ്െടത്തല് തുടങ്ങിയ മത്സരങ്ങള് ആവേശകരമായി. സ്നേഹസന്ദേശം രേഖപ്പെടുത്തിയ കുട്ടികളുടെ പട്ടംപറത്തല് മത്സരം വീക്ഷിക്കാന് ഒട്ടേറെ പേര് എത്തിയിരുന്നു. അറുമുഖന് വെങ്കിടങ്ങിന്റെ നാടന് പാട്ടുകളുടെ പാലാഴിയും ജയരാജ് വാര്യരുടെ കാരിക്കേച്ചറും കുട്ടികളും രക്ഷിതാക്കളും ഏറെ ആസ്വദിച്ചു.
ഫോറം ഫോണ് വുമണ് ആന്ഡ് ചില്ഡ്രന് വെന്മനാട് എന്ന സംഘടനയുടെ നേതൃത്വത്തില് നടന്ന ഉണ്ണിപ്പുരയില് നൂറ്റന്പതോളം കുട്ടികള് പങ്കെടുത്തിരുന്നു. മറ്റ് ക്യാന്പുകളില്നിന്നും വ്യത്യസ്തമായി ഉദ്ഘാടനവും നീണ്ട പ്രസംഗങ്ങളുമില്ലാതെ നടന്ന ഉണ്ണിപ്പുരയില് രക്ഷിതാക്കള്ക്കും പ്രത്യേക ഇരിപ്പടങ്ങള് ഒരുക്കിയിരുന്നു.
ഉണ്ണികളിലൂടെ ഗ്രാമത്തിന്റെ പരിശുദ്ധി സംരക്ഷിക്കുക എന്ന ലക്ഷ്യത്തോടെയാണ് സംഘര്ഷമേഖലയായി പലപ്പോഴും മാറുന്ന പാവറട്ടിയില് ഉണ്ണിപ്പുര സംഘടിപ്പിച്ചതെന്ന് ക്യാന്പ് ഡയറക്ടര് അഡ്വ. മുഹമ്മദ് ഗസാലി പറഞ്ഞു.
